Abacus Accounting

 «Աբակուս ըքաունթինգ» ընկերությունը հաշվապահական հաշվառման և խորհրդատվական ծառայություններ մատուցող ընկերություն է, որի ստեղծման հիմքում ընկած է հիմնադիրների բազմամյա փորձը և ոլորտում որակյալ մասնագիտական ծառայությունների պահանջարկը:
     Ընկերությունը հիմնադրվել է 2015 թվականին: Հիմնադրման օրվանից մեզ վստահել են բազմաթիվ կազմակերպություններ ոչ միայն ՀՀ տարածքում գործող, այլ նաև ՀՀ տարածքից դուրս։

     Մեր ընկերությունը գործընկերներին առաջարկում է հաշվապահական հաշվառման և հարակից ոլորտների հետևյալ ծառայությունները․ կազմակերպությունների գրանցում, խորհրդատվություն, հաշվապահական հաշվառման վարում, ֆինանսական հաշվետվությունների կազմում, ֆինանսական պլանավորում, կազմակերպությունների գործունեության ավտոմատացման համակարգերի ներդրում, ինչպես նաև կազմակերպության վերաբերյալ տեղեկատվության տարածում մի քանի օղակներով։

     Մեր թիմի հիմնական նպատակը գործընկերներին մատուցվող ծառայությունների որակն ու սեղմ ժամկետներում գործընկերների պահանջմունքների ճշգրիտ և հստակ բավարարումն է: Մենք աշխատում ենք հաճախորդների հետ փոխհարաբերությունների կառավարման (CRM) համակարգով, ինչը հնարավորություն է տալիս վերահսկել աշխատանքը՝ հաշվի առնելով կազմակերպությունների առանձնահատկությունները։