Հարկային աուդիտ և վերլուծություններ

Մենք առաջարկում ենք հարկային աուդիտ՝ ապահովելով ձեր բիզնեսի ֆինանսական և հարկային գործունեության ամբողջական թափանցիկությունը, ինչպես նաև ՀՀ գործող օրենքների պահանջների լիարժեք պահպանումը: Հարկային աուդիտը հնարավորություն է տալիս ստուգել կազմակերպության բոլոր հարկային հաշվետվությունները՝ հասկանալու, թե արդյո՞ք դրանք իրականացվել են օրենքի պահանջներին համապատասխան, և արդյո՞ք հաշվի են առնվել վերջին փոփոխությունները:

Հարկային աուդիտի ընթացքում մեր մասնագետները մանրամասն վերանայում են յուրաքանչյուր հաշվետվություն, գնահատում դրանց ճշգրտությունը և համապատասխանությունը ՀՀ գործող օրենսդրությանը: Սա թույլ է տալիս կազմակերպությանը հստակ պատկերացնել հնարավոր օրենսդրական ռիսկերը, որոնք կարող են առաջանալ հարկային մարմինների հետ համագործակցության ընթացքում, և կանխել հետագա տուգանքները կամ հակամարտությունները:

Մեր ծառայությունը ներառում է նաև օրենքով նախատեսված բոլոր արտոնությունների և նվազեցումների գնահատումը, որպեսզի ձեր ընկերությունը օգտագործի հասանելի բոլոր հնարավորությունները հարկաբյուջետային պարտավորությունները նվազեցնելու համար: Հարկային աուդիտը ոչ միայն բացահայտում է հնարավոր հարկային խնդիրները, այլև տալիս է առաջարկներ այդ խնդիրենրի լուծման համար, ինչը խիստ կարևոր է բիզնեսի կայունության և ֆինանսական ապահովության պահպանման համար:

Արդյունքում, հարկային աուդիտ անցնելը ապահովում է կազմակերպության ֆինանսական գործունեության լիարժեք վերահսկողություն, նվազեցնում հնարավոր բոլոր ռիսկերը, պահպանում օրենքի պահանջները և ստեղծում վստահություն ինչպես օրենսդրության, այնպես էլ գործընկերների և պետական մարմինների հանդեպ: Այս ծառայությունը կարևոր է բոլոր այն կազմակերպությունների համար, որոնք ցանկանում են ապահովել հարկային գործընթացների լիարժեք վերահսկողություն, կանխել հնարավոր ֆինանսական ռիսկերը և վստահորեն կառավարել իրենց գործունեությունը օրենքի սահմաններում: