«Ի ԷՅՉ ԷՍ ՔՆՍԱԼԹԻՆԳ» ՍՊԸ

«Ի ԷՅՉ ԷՍ ՔՆՍԱԼԹԻՆԳ»-ը Հայաստանում գործող մասնագիտացված ընկերություն է, որը կազմակերպություններին տրամադրում է աշխատանքի անվտանգության, առողջության պահպանման և շրջակա միջավայրի կառավարման (EHS) ոլորտի համալիր և գործնական ծառայություններ։ Մենք աջակցում ենք տարբեր ոլորտներում գործող կազմակերպություններին՝ բացահայտելու և նվազեցնելու աշխատանքային ռիսկերը, ապահովելու համապատասխանությունը ՀՀ օրենսդրական, ոլորտային և ներքին կորպորատիվ պահանջներին, ինչպես նաև ձևավորելու անվտանգ, կանխատեսելի և արդյունավետ աշխատանքային միջավայր։

Մեր ծառայությունները ներառում են EHS համակարգերի գնահատում և ներդրման աջակցություն, պարտադիր փաստաթղթերի, ընթացակարգերի ու հրահանգների մշակում, աշխատանքային ռիսկերի գնահատում, աշխատավայրերի անվտանգության աուդիտ, հրդեհային անվտանգության կազմակերպում, տարհանման պլանների կազմում և արտակարգ իրավիճակների պատրաստվածության բարելավում։ Իրականացնում ենք նաև աշխատանքի անվտանգության, հրդեհային անվտանգության, առաջին օգնության և արտակարգ իրավիճակներում ճիշտ գործողությունների վերաբերյալ տեսական ու գործնական դասընթացներ։

Մեր մոտեցումը հիմնված է յուրաքանչյուր կազմակերպության գործունեության առանձնահատկությունների ուսումնասիրության վրա։ Մենք առաջարկում ենք կիրառելի լուծումներ, որոնք նպաստում են աշխատակիցների անվտանգության բարձրացմանը, դժբախտ դեպքերի կանխարգելմանը, կառավարման գործընթացների բարելավմանը և կազմակերպության երկարաժամկետ կայուն զարգացմանը։